Participamos no VIII Certame Literario Rosetta

1 de xullo de 2015 - Do sector

O certame literario Rosetta é un concurso internacional, organizado pola Asociación Argadini, que pretende estimular mediante determinados premios, certas actividades de tipo literario e artístico que promovan e promocionen a creatividade das persoas con Discapacidade Intelectual ou Autismo. Lévase a cabo unha vez ó ano e os participantes poden optan a concursar de forma individual ou en grupo nas categorías de poesía, narrativa e outros formatos.

Entre os obxectivos máis destacados deste certame están os seguintes:

Dotar ás persoas con Discapacidade Intelectual e as persoas con Trastornos do Espectro Autista (TEA) dun espazo onde poidan desenvolver habilidades artísticas e culturais, de desenvolvemento persoal e emocional.
Dotar ás persoas con Discapacidade Intelectual e as persoas con Trastornos do Espectro Autista (TEA) dun espazo para desenvolver a súa integración social e laboral; así como potenciar o seu crecemento persoal e promocionar o seu mundo interior.
Elaboración e publicación dun libro-disco con tódalas obras premiadas ou mencionadas.
Realización dun acto cultural baseado na entrega de premios, no que participan, presentan e organizan persoas con necesidades de apoio.

Para máis información consultar as ligazons adxuntas do Certame Literario Rosetta e da Asociación Argadini.

Catro usuarios/as de Aspaber participaron nesta VIII edición do Certame na modalidade de narrativa, ainda que finalmente ningún deles resultou premiado/a. Adxuntas pódense ver as súas narracións.

Ligazóns

Descargas

Imaxes