O punto limpo da Laracha, xestionado polo C.E.E. Aspaber, sumou 1.500 usuarios en 2016

26 de xaneiro de 2017   -    Novas

Punto limpo da Laracha

Durante o ano 2016 o punto limpo de A Laracha, xestionado xunto co servizo de recollida de voluminosos a domicilio polo Centro Especial de Emprego Aspaber, atendeu a máis de 1.500 usuarios. Entre eles, 1.100 usuarios achegáronse persoalmente ás instalacións municipais a depositar os residuos, mentras que se realizaron unhas 400 saídas para prestar o servizo de recollida a domicilio.

Durante o 2016, xestionáronse desde este punto limpo:

• 1.151 litros de aceites vexetais e minerais.
• 1.078 kilos de material téxtil.
• 1.225 kilos de plásticos.
• 600 envases con restos de substancias tóxicas ou perigosas.
• 15 toneladas de aparellos electrónicos, informáticos e electrodomésticos.
• 27 toneladas de restos de obras.
• 227 fluorescentes.
• 30 kg de pilas.
• Case 700 unidades de voluminosos (principalmente colchóns e sofás).