Xuntanza das Asociacións de Carballo

16 de novembro de 2008   -    Dos programas

O Sábado 15 de Novembro celebrouse en Aspaber a 1ª Xuntanza de Asociacións de Carballo.

As Xornadas contaron cunha importante participación de Entidades. 35 Colectivos estiveron presentes no encontro que foi presidido polo Alcalde Evencio Ferrero e a Concelleira de Cultura Belén Lendoiro.

Durante a reunión e tras a exposición do proxecto de traballo conxunto presentada por Cruz Vermella, tratouse de establecer unha liña de traballo conxunta que impulse os proxectos individuais e colectivos das Asociacións. Dito traballo foi coordinado por Jorge Guerrero, profesor de recursos humáns e experto en asociacionismo.

No mes de Febreiro terá lugar en Berdillo unha nova xuntanza que terá o obxectivo de organizar a primeira actividade conxunta das Entidades. 

Por outra banda o servizo de Ocio de Aspaber presentou a súa revista trimestral e esta páxina web. Ofertouse con ela, ás agrupacións presentes, a posibilidade de incluir na páxina unha sección que facilitase a difusión das súas actividades, proxectos e traballos. 

NOTAS DE PRENSA: 
Trinta asociacións da área de Carballo deseñan un plan de traballo conxunto 

Creo que a unión favorécenos e, por iso, ten que chegar a todo ou mundo 

As sociedades máis grandes temos que tirar agora das que son máis pequenas 

A verdade é que temos potencial cultural, social e, sobre todo, de infrestruturas 

Os grupos terán unha páxina para anunciar as súas actividades 

Os colectivos reuniranse o 7 de febreiro en Berdillo