Encontro de Aspaber cos candidatos á alcaldía do Concello de Carballo
19 de maio de 2015 - Do sector
Esta mañá tivo lugar na sede da Asociación Aspaber un encontro con tódolos candidatos que concorren ás próximas eleccións á alcaldía do Concello de Carballo.
O obxectivo do evento era facerlle chegar aos diferentes grupos políticos as propostas e necesidades do colectivo da minusvalidez intelectual en diversos ámbitos como a accesibilidade, liberdade e seguridade, educación inclusiva, saúde, traballo e emprego.
Para isto, entregóuselles un documento co contexto e xustificación das peticións presentadas, algunhas de competencia local e outras de competencia autonómica ou estatal. A raíz disto, fíxose fincapé na gran importancia da colaboración do Concello coas Asociacións para lograr trasladar estas demandas ao nivel institucional correspondente.
Cabe destacar a unanimidade de tódolos candidatos á hora de valorar a labor de Aspaber tanto no ámbito social como do Centro Especial de Emprego, especialmente o seu traballo na limpeza viaria do Concello. Esta adxudicación foi de vital importancia para Aspaber, ao permitirlle acadar a experiencia e recursos necesarios que facilitaron o acceso a outros contratos.
Ademais, destacouse a gran labor do tecido asociativo da comarca en diferentes ámbitos e sensibilidades sociais.
Pódese consultar o documento íntegro que se entregou aos asistentes e que contén todas as propostas e necesidades deste coletivo nos arquivos adxuntos.
