Novas

18 de xuño de 2019   -    Do sector

Os días 10-11 e 17-18 de xuño profesionais de Aspaber recibiron a formación “Desenvolvemento do sentido de pertenza”.

26 de abril de 2019   -    Do sector

En vésperas das próximas Eleccións Xerais, esta semana en Aspaber realizouse, grazas á colaboración do Concello de Carballo, unha recreación o máis real posible de todo o proceso que conleva unhas votacións. As primeiras votacións para moitas persoas con discapacidade intelectual nas que poderán exercer este dereito que durante tanto tempo lles foi negado, logo do recente cambio da Lei Orgánica de Réxime Electoral (LOREG) a finais de 2018.

24 de abril de 2019   -    Do sector

Coa axuda do Grupo de Acción Local do Sector Pesqueiro (GALP) Costa da Morte, a Asociación Aspaber a través do obradoiro de Soldadura Plastica acaba de poñer en marcha o proxecto “Persoas diversas+Cofrarías= Economía Circular”, que ten como finalidade a formación e integración das persoas con discapacidade intelectual mediante o traballo de soldadura de pezas de plástico, en concreto para recipientes relacionados coas actividades pesqueiras.

5 de abril de 2019   -    Do sector

Onte celebrouse por primeira vez no Forum Carballo a IV Feira de Emprego,  organizada pola Cámara de Comercio de A Coruña, coa finalidade de acercar as empresas aos mozos e mozas desempregados menores de 30 anos que buscan poder incorporarse ao mundo laboral.

29 de outubro de 2018   -    Do sector

Alumnado e profesorado de ciclos formativos do IES Monte Neme, fixeron entrega o pasado venres en ASPABER de dous dos produtos finais desenvolvidos ao abeiro do proxecto “Ti2=i”: unha mesa de luz multifunción e un adestrador de rutinas para a vida diaria, que permite aos usuarios adquirir as rutinas básicas para a utilización do aseo.

28 de setembro de 2018   -    Do sector

O pasado mércores, o Centro de Saúde de Carballo, acolleu o proxecto colaborativo posto en marcha entre o SERGAS e FADEMGA Plena Inclusión Galicia, chamado Aténdeme-Enténdeme.

11 de xuño de 2018   -    Dos programas

Na entrega de premios da 8º edición do Concurso de murais “Lar na escola”, organizado pola empresa ceense Suministros Lar, que tivo lugar o pasado venres, o xurado concedeulle ao mural de Aspaber o segundo premio deste concurso ao que se presentaron outras 8 obras de centros escolares e entidades da Costa da Morte.

27 de abril de 2018   -    Do sector

Despois dun ano de colaboración entre o I.E.S. Monteneme de Carballo e Aspaber para levar a cabo en común o proxecto Ti2=i, un proxecto de innovación didáctica no ámbito da formación profesional en centros públicos e logo de conseguir o premio á innovación na FP (modalidade B, convocatoria 2017 da Consellería de Cultura, Educación e Ordenación Universitaria), esta semana o personal de Aspaber e o alumnado e profesorado de electricidade e electrónica e de fabricación mecánica do instituto carballés, presentaron na Cidade da Cultura de Galicia o traballo realizado froito desta colaboración.

16 de abril de 2018   -    Do sector

O pasado venres tivo lugar no Concello de Carballo o acto de presentación das axudas que, un ano máis, Caixabank a través da Obra Social La Caixa destina en favor dos colectivos máis desfavorecidos e/ou en risco de exclusión.

27 de novembro de 2017   -    Dos programas

Dentro do calendario de actividades da Liga Norte, composta por asociacións de persoas con discapacidade que se reúnen para organizar actividades deportivas co obxectivo de crear espazos de convivencia e diversión, o pasado sábado celebrouse no Forum Carballo o campionato de xogos de mesa, que este ano organizou Aspaber.

23 de novembro de 2017   -    Do sector

Esta semana tivo lugar unha nova reunión entre o persoal técnico de Aspaber, o alumnado do CS de Mantemento Electrónico e profesorado de FP do IES Monte Neme, co obxecto de identificar as necesidades e concretar as características dos produtos a desenvolver, ao abeiro do proxecto de innovación didáctica Ti2=i, no que colaboran o IES Monte Neme, a asociación Aspaber e a ONCE.

16 de novembro de 2017   -    Dos programas

O pasado venres tivo lugar no Polideportivo Bergantiños de Carballo o acto de presentación das novas equipacións do equipo de baloncesto Aspaber Basket Xiria para a campaña 2017-2018, ao que asistiron a directora de Aspaber Dolores Fernández e o membro da xunta directiva da entidade Rufino Fraga, e en representación da escola Basket Xiria estivo presente o presidente Marcos Díaz Molk, o secretario Primitivo X. Reguera e o director deportivo Arturo Ferraces. Tamén asistiron, en apoio ao proxecto de colaboración entre a Escola Basket Xiria e Aspaber, o alcalde de Carballo Evencio Ferrero e o edil de Deportes e Cultura Marcos Trigo.